Ohea logelan dago?

Helburuak

  • Etxeko gelen eta altzarien hiztegia ikastea.
  • Etxeko gelen eta altzarien hiztegia erabiltzea.
  • “Non dago?” egitura birpasatzea.

Prozedura

  • Bikoteak egin edo gelako ume guztiekin bi talde egin.
  • Bikote bakoitzari edo talde bakoitzari fitxa bana banatu. A fitxa bati eta B fitxa besteari.
  • Talde bakoitzak bere fitxan agertzen diren altzariak irudiko planoko gelaren batean kokatu. Umeei esan ez ditzatela altzariak ohiko lekuetan kokatu. Adibidez, ohea sukaldean koka dezatela eta ez logelan.
  • Behin altzari guztiak kokatu dituztenean, galderak egin elkarri. Helburua da bestearen altzariak non dauden asmatzea galderen bidez.
  • Altzari guztiak non dauden asmatu arte galdetu. Txandaka egin galderak, taldeetako batek edo umeetako batek asmatzen ez duenean, bestearen txanda izango da.