Bikote-jolasa

Helburuak

  • Koloreak euskaraz izendatzen ikastea

Prozedura

  • Lehenik eta behin, umeei azaldu koloreak euskaraz izendatzen ikasiko dutela.
  • Horretarako, argazki-albumeko argazkiak erakutsi eta banan-banan denak izendatu.
  • Bikote-jolasean, alde batetik, koloreak iruditan ditugu eta, bestetik, idatziz.
  • Jolas honen helburua bikoteak aurkitzea da; irudi-hitza elkarketa egitea, alegia.
  • Pausuak:
    • Fitxa guztiak mahai gainean jarri ahuspez.
    • Ume guztiak fitxen inguruan jarri.
    • Ume batek fitxa bat jasoko du eta izendatu (irudian dagoena zer den esan); beste fitxa bat jaso eta izendatu. Bi irudiak berdinak badira, gorde egingo ditu, bikotea lortu du-eta. Kasu honetan, berriro bere txanda izango da eta beste bi irudi jasoko ditu.
    • Bi irudiak ezberdinak badira, berriro utziko ditu mahai gainean lehen zeuden tokian, eta, hurrengo umearen txanda izango da.
    • Bikote gehien lortzen dituen umea izango da irabazlea.

Hitz-zerrenda

  • Arrosa
  • Marroia
  • Urdina
  • Berdea
  • Gorria
  • Grisa
  • Horia
  • Laranja
  • Morea
  • Zuria
  • Beltza