Hasieratik zenbait errutina edo ohitura hartzea; luzaroan lagungarriak egingo zaigu. Gelan, astero, arduradun bat egongo da eta honek bi lan izango ditu:

1. Bata eskolara sartzean: EGURALDIA ETA DATA.
2. Bestea eskolatik irten aurretik: SEMAFOROA.

Helburuak

• Diziplina arazoei aurre egitea.
• Eguraldia eta data euskaraz adierazten ikastea.
• Umeek ardurak hartzea eta hauek betetzea.

Prozedura

• Gelako hormaren zati bat hartuko dugu asteko arduradunari eskaintzeko. (Oso garrantzitsua da umeek garrantzia duela ikustea).
• Umeei argazkiak egingo dizkiegu asteko arduradun izatea egokitzen zaienean argazkia dagokion lekuan itsasteko. (asteko arduraduna kartelean).
• Asteko arduradunak, gelara sartzean “eguraldia eta data” kartela beteko du (bere azalpena dauka).
• Asteko arduradunak, gelatik joan aurretik semaforoan eguneko jarrera jarriko du (bere azalpena dauka).

Oharrak

• Garrantzitsua izango da umeek ulertzea ardura ez dutela hezitzailearekiko hartu, bere ikaskideekiko baizik.
• Eguraldia,urtaroak, hilabeteak eta asteko egunak euskaraz izendatzen ikasteko lanketa dago. Ekintza bakoitzak bere azalpena dauka.