Helburuak

• Eguraldia euskaraz esaten ikastea.

Prozedura

• Lehenik eta behin, argazki-albumeko irudiak erabiliko ditugu umeei hiztegi berria erakusteko.
• Euren herrialdeetan zein eguraldi egiten duen galdetu. Euskal Herrian orain arte zer ikusi duten esateko eskatu.
• Fitxak banatuko dizkiegu; bakoitzak berea egingo du.
• A fitxan, eguraldi-ikurrak eta eguraldi-paisaiak daude. Umeen lana denak moztea izango da. Gero, B fitxan antolatu eta itsatsi beharko dituzte.
• Talde handian zuzenduko da lana.
• Umeei azaldu: eguraldi-soinuak entzungo dituztela eta, entzuten duten ordenaren arabera, dagokion eguraldi-ikur eta eguraldi-paisaiaren ondoan idatzi behar dutela. Adibidez, lehenengo soinua euria bada bat zenbakia idatzi beharko dute euriaren ikurraren eta paisaiaren ondoan.
• Bukatzeko, talde handian zuzenduko da.

Oharra

• Ez daude eguraldi-soinu guztiak. Umeei tranpa egingo diegu. Eurek eguraldi bakoitzeko bat bilatu arren, euriaren hiru soinu daude. Hodeiek eta ostarteek ez daukate soinurik.