Helburuak

• Gorputz-atalen inguruko hiztegi arruntena lantzea.
• Aurkezpeneko nozioak birpasatzea: nor da, zer da, nolakoa da, nongoa da, non bizi da, zenbat urte dauzka.

Prozedura

• Paper batzuetan ondoko gorputz-atalen izenak idatzi: burua, ilea, belarriak, begiak, sudurra, ahoa, hortzak, gorputza, besoak, eskuak, hankak eta oinak.
• Umeei paper bana eman. Idatzita dagoen gorputz-atala ezagutzen ez badute, hiztegian begiratu. Ezin dute ozen esan zein gorputz-atal egokitu zaien.
• Txandaka-txandaka, tokatu zaien gorputz-atala arbelean marraztu. Margotzen ari direla, tokatu zaien gorputz-atala identifikatu: “hau burua da”; “hauek begiak dira”.
• Marrazkia bukatutakoan, hezitzaileak galdetu: polita edo itsusia da?
• Bukatzeko, denen artean bizitza eman sortutako marrazkiari:
  • Izen-abizenak.
  • Adina.
  • Nongoa da.
  • Non bizi da.
  • Lanbidea.
  • Deskripzioa.