Helburuak

• Umeek Joxe ezagutzea.
• Joxerekin hasierako harremana egitea.
• Umeek ikasturtearen nondik norakoak ezagutzea.

Prozedura

• Lehenik eta behin, umeei esan Joxe ezagutuko dutela. Esan hezitzailearen laguna dela eta Joxek beraiek ere ezagutu nahi dituela. Hezitzaileak beraietaz hitz egin die Joxeri eta laguntzeko irrikan dago.
• Aurkezpena ikusi umeekin. Poliki-poliki erakutsi diapositiba bakoitza. Hasieran euskaraz irakurri eta ideia nagusiak itzuli. Itzuli aurretik umeei galdetu zer ulertu duten. Irudi argiak dira eta baliteke itzulpena egin gabe ulertzea.
• Umeekin Joxeren inguruan hitz egin. Zer iruditu zaien, gogoa daukaten bere lagun izateko, eskatutako lanak betetzeko prest dauden…
• Umeei argi azaldu zer diren “hitzen txokoa” eta “gelako ohiturak”.

Oharrak

• “Hitzen txokoa” baliabideetan dago. Azalpena bertan dator.
• “Gelako ohiturak: asteko arduraduna” lantzeko karpetan honetan bertan, a.3 puntuan, dena azalduta dago.
• Aurkezpena egin aurretik “hitzen txokoa” eta “gelako ohiturak: asteko arduraduna” begiratu eta ulertu azalpenak, bideoa ikusi eta gero beharrezkoak izango baitira.