Helburuak

• Egunean bertan egindakoa kontatzen ikastea.
• Eredu bat jasotzea antzekoa egin ahal izateko.
• Joxerekin harremanetan egotea.

Prozedura

• Lehenik eta behin, Joxek zerbait bidali diela esan.
• Joxek bidalitako bideoa ikusi.
• Bideoan ikusitakoa umeekin komentatu.
• Ulertu duten ikusteko galderak egin.
• Airamek egin duena egiten ikasiko dutela esan.
• Jarraian, Airamen eguna ohikoa iruditu zaien galdetu.
• Bikoteak egin eta bikote bakoitzari Airamen egunaren transkripzioa eman.
• Umeei Airamen eguna gure ohituretara ekartzeko eskatu. (adibidez, galdetu eurek goizean afaltzen duten edo arratsaldez joaten diren eskolara)
• Bukatzeko, talde handian denen artean zuzendu.

Oharrak

• Nahikoa da bideoa behin ikustea.
• Umeei argi esan hori izango dela hurrengo lana: euren egun bat kontatzea.
• Gaiaren lanketarekin bukatzean, berriz ikus daiteke bideoa, umeek zenbat ikasi duten ikusi eta euren burua baloratzeko.