Helburuak

• Talde-lana bultzatzea.
• Ikasitako egitura, nozio… guztiak praktikara eramatea.
• Ipuin bat idaztea.
• Ipuin batetik abiatuta antzerki bat egitea.

Prozedura

• Lehenik eta behin, hezitzaileak “Txano Gorritxo: antzerkia” prestatu. Eszenatoki bat, hainbat paisaia eta bost pertsonaia dauzka.
• Umeei erakutsi eta ipuin baten bitartez, antzerki bat sortu daitekeela esan.
• Pertsonaiak erakutsi eta ipuin guztiek pertsonaiak behar dituztela esan. Gaiaren lanketan “Nolakoak dira?” fitxa egin dutenez, bertatik tira egin pertsonaien deskripzioa denen artean egiteko.
• Paisaietako bat aukeratu eta denen artean deskribatu: zer da, non dago, nolakoa da, zer dauka…
• Gero hezitzaileak aurkezpeneko Txano Gorritxo ipuinarekin antzerkitxoa antzeztu.
• Behin eginbeharrekoaren eredua jaso dutenean, hiru talde egin. Kontuan hartu ipuin bakoitzak zenbat pertsonaia dauzkan taldeak egiterako orduan, narratzailea ere kontuan hartu.
• Talde bakoitzari banatu:
  • “Antzerkia” dokumentua.
  • Ipuinetako baten argumentua: Hiru txerrikumeak, Hansel eta Gretel edo Erbia eta dortoka.
  • Banatu zaien argumentuarekin lotura daukan eszenatokia.
• Umeek “antzerkia” dokumentuko pausuei jarraituz, ipuina sortu. Ezinbestekoa da ipuinak kontaketa eta elkarrizketak nahastea.
• Pausu guztiak egin ostean, hezitzaileak zuzenketak egin eta umeekin komentatu.
• Talde bakoitzak antzerkia gelako beste guztien aurrean antzeztu.