Helburuak

• Lanbideak euskaraz esatea.
• Handitan zer izan nahi duten adieraztea.

Prozedura

• Umeei fitxa guztiak banatu.
• A fitxetan hamalau lanbide daude. Aurretik, umeek, argazki-albumean ikusi dituzte eta beraiekin jolas egin dute lanbideen dominoan.
• B fitxan lanbide bakoitzean burutzen diren lanak ikus daitezke.
• C fitxan lanbide bakoitzeko tresnak agertzen dira.
• Banaka edo binaka B eta C fitxetako irudiak moztu eta dagokien laukian itsatsi. Lanbide batek ez dauka irudirik: langileak. Umeek zer egiten duen eta zerekin egiten duen idatzi beharko dute.
• Umeek handitan zer izan nahi duten erantzun. Ez badakite euskaraz esaten, hiztegian bilatu.
• Talde handian zuzendu:
  • Hezitzaileak galderak egin: Zer egiten du baserritarrak?, zerekin egiten du lan baserritarrak?
  • Umeak deklinabideko kasuak erabiltzera bultzatu.
  • Hezitzaileak adibideak eman: baserritarrak lurra lantzen du aitzurrarekin.