Helburuak

• Hainbat adjetibo euskaraz ikastea.
• Adjetiboen esanahia ulertzea eta noiz erabili behar diren jakitea.
• Adjetiboak euskaraz erabiltzea.
• Norbera ez den beste pertsona bat deskribatzea.
• Hirugarren pertsona lantzea.

Prozedura

• Umeei “Nire laguna honelako da” fitxa-multzo bana eman.
• Joxek bidali duela esan.
• Hezitzaileak dokumentua poliki eta intonazio egokia emanez irakurri. Dokumentuak argi bideratuko du hezitzailea.
• Umeek dokumentuan eskatzen diren lanak bete:
  • Laguna aukeratu: hezitzaileak erabakiko du zoriz egin edo ume bakoitzak bere laguna aukeratuko duen. Umeek lagun bana izango dute eta bere deskripzioa egingo dute.
  • Laguna marraztu: umeek egokitu zaien edo aukeratu duten laguna marraztu.
  • Datu orokorrak bete: aurkezpeneko “eta zuek nortzuk zarete?” fitxaz baliatuz, umeek lagunaren datu orokorrak bete.
  • Neska edo mutila; jaioberria, umea, gaztea edo zaharra: fitxa jarraituz, laguna nolakoa den esan. Aukeratu eta idatzi.
  • Aurpegia: fitxa jarraituz, laguna nolakoa den esan. Aukeratu eta idatzi.
  • Ezaugarri fisikoak: fitxa jarraituz, lagunaren ezaugarri fisikoak deskribatu. Aukeratu eta idatzi.
  • Ezaugarri psikikoak: fitxa jarraituz, lagunaren ezaugarri psikologikoak deskribatu. Aukeratu eta idatzi.
  • Testua osatu: hutsuneak betez, testua osatu, eta gero, kopiatu. Iratiren adibidea dago lana errazteko.