Helburuak

• Aurkezpena egiteko beharrezkoak diren oinarrizko kontzeptuak ikastea.
• Joxerekin eta bere lagunekin batera gelako umeen aurkezpen murala egitea.

Prozedura

• Ume bakoitzari A fitxa, “gu gara”, banatu.
• Joxeren eta bere lagunen aurkezpen datuak aztertu eta ulertu. Adibidez: zer da izena? Umeek fitxako datuak begiratu eta, ikusten dituzten datuen arabera, esanahia inferitu. Gauza bera egin abizenekin, herrialdearekin eta adinarekin.
• Ondoren B fitxa, “eta zuek nortzuk zarete”, banatu. Ume bakoitzak gelako ume guztien datuak bete beharko ditu.
  • Arbelean idatzi galderak umeek jakin dezaten nola galdetu: nola deitzen zara? Zeintzuk dira zure abizenak? Zein da zure herrialdea? Zenbat urte dauzkazu?
  • Umeen arteko galderak bideratu.
• Amaitzeko, denen artean aurkezpen murala egin.
  • Hezitzaileak, aurretik, umeen argazkiak itsatsiko ditu B fitxan.
  • Datu guztiak bete ostean, “Gu gara” eta “eta zuek nortzuk zarete?” gelako horman itsatsi.
  • Hezitzaileak, aurkezpen muralak horman daudela, galderak egin: nongoa da x?, zenbat urte dauzka x-ek?, …

Oharra

• Fitxak banatu aurretik, umeen argazkiak prest izatea komeni da.