Helburua:

• Hiztegi berria erabiltzea.
• Zenbakiak gogoratzea.
• Txandak errespetatzea.

Prozedura:

• Mahai gainean tableroa egongo da altzarien eta etxeko gelen irudiekin.
• Ume bakoitzak bere fitxa edukiko du.
• Dadoa bota eta zenbakirik altuena ateratzen duena izango da irteten lehena.
• Helmugara heltzen den lehena izango da irabazlea.
• Bidean zigor laukiak daude (lauki beltzak, etxearekin eta altzariekin zerikusirik ez dutenak); hor jausten dena txanda batean jolastu gabe geratuko da.
  Baina sari laukiak ere badaude: etxeko gelen irudian (sukaldean, egongelan, logelan, komunean) jausiz gero, hurrengo gelaren irudiraino aurreratu beharko du bere fitxa eta berriro bere txanda izango da.
• Jokalariak, dadoa bota ondoren, ozenki esango du atera duen zenbakia, eta baita, laukiak zenbatu ondoren, laukian dagoen altzariaren edo gelaren izena ere.

Oharra:

• Jolas hau ere, “Bingoa” bezala, altzarien eta gelen izenak landu ostean erabiliko da. Jolas honen aurretik, komeni da “Bikote-jolasa” eta fitxa batzuk egitea, umeek hiztegia barneratuta izan dezaten. Egun batzuetan “Bingoa” erabil daiteke eta, beste batzuetan, “Gelaz gela”.