Etxearen eta altzarien bingoa

Umeek hiztegi berria entzutea eta horretara ohitzea, aurrerago, eurek ekoitzi ahal izateko.

Aurreko gaietan ez bezala, gai honetan komeni da bingoa besteetan baino beranduago erabiltzea. Arrazoia zera da: hitz berri asko direla eta oraindik asimilatzeko denborarik ez dutela izan. Beraz, “Bikote-jolasa” eta “Fitxak” landu ondoren erabiliko da “Bingoa”. Egun batzuetan “Bingoa” erabil daiteke eta beste batzuetan “Gelaz gela”, izan ere desberdinak dira baina, era berean, antzekoak.
Ume bakoitzak bere kartoia edukiko du eta hezitzaileak fitxaz betetako poltsa bat.
Hezitzaileak fitxa bat aukeratu eta atera ondoren, erakutsi barik, hor ikusten duena izendatuko du.
Umeek ikusi beharko dute ea euren kartoietan entzundako etxearen zatia edo altzaria agertzen den. Hala bada, irudi hori ezabatu, estali… egin beharko dute.
Kartoietan dituzten irudi guztiak estalitakoan, BINGO esan beharko dute. Lehenengo esaten duena, irabazle.

Jolasarekin hasi baino lehen, irudi bakoitza zer den argi azaldu behar da. Adibidez: ohea, izara, manta, horien irudiak erakutsi eta bakoitza izendatu.
Jolas hau behin baino gehiagotan erabiltzea komeni da, eta beti ere, umeen mailaren arabera eta gaiaren une ezberdinetan txertatuz:
- Hasieran, hezitzaileak fitxan duena ahoskatzearekin batera, irudia erakutsiko du.
- Hurrengo, hitza esango du. T Tartetxoa utzi, eta ume guztiek euren kartoietan begiratu dutela ziurtatu ostean, irudia erakutsi egingo du.
- Hezitzaileak hitza esango du, baina ez du irudirik erakutsiko.
- Azkenik, umeak eurak jar daitezke poltsatik irudiak ateratzen eta dagokien hitza esaten.

Hurrenkera hori zaintzea komeni da, errazenetik zailenera.

Sukaldea

Egongela

Logela

Komuna