Helburua:

• Umearen aurrezagutzak aktibatzea.

Prozedura:

• Gaiarekin zerikusia duen horma-irudia landuko da (horma-irudia I). Horma-irudian etxearen gelak eta altzariak agertzen dira. Erdian etxea dago eta lau izkinetan gela bakoitzeko altzariak.
• Umeek, irudian ikusten dutena zer den azaltzeaz gain, ezagutzen dituzten etxearen zatiak eta altzarien izenak izendatu beharko dituzte. Ezagutu ezean, horma-irudian bertan, txarteltxoak itsatsiko dituzte aipatutako zatien eta altzarien izenekin. Txarteltxoak hezitzaileak eramango ditu eta umeei eskatuko die, bere laguntzarekin, dagokien lekuan jartzeko.
• Ekintza hau egiteko bide bat baino gehiago daude:
  • Umeei eskatu, taldeka, ezagutzen dituzten etxearen zatiak eta altzarien zerrenda egiteko eta, ondoren, zerrendatutakoak horma-irudian aurkitu.
  • Hezitzaileak, galdera zehatzen bidez, umeei aterarazi ezagutzen dituzten hitzak.
  • Horma-irudia I landu eta hurrengo egunean edo egun batzuk barru, Horma-irudia II banatu umeei eta altzari bakoitzaren azpian, zer den idatzi.

Hitz-zerrenda:

Sukaldea

• Mahaia
• Aulkia
• Garbigailua
• Hozkailua
• Sukaldea
• Harraska
• Armairua

Egongela

• Lanpara
• Sofa
• Besaulkia
• Alfonbra
• Telefonoa
• Telebista

Logela

• Ohea
• Armairua
• Gau-mahaia
• Alfonbra
• Gortinak
• Manta

Komuna

• Bainuontzia
• Komuna
• Lababoa
• Ispilua
• Toalla