Azken xedea: Euskal Herriko hiriburuak

Euskal Herriko herrialdeak eta hiriburuak ezagutzea.
Euskal Herriko aurkezpen murala egitea.
Euskal Herriko hiriburuen eta herrialdeen informazioa jasotzea eta hiri bat nola deskriba dezaketen ikastea.
Euren herrialdearen eta herriaren deskripzioa egiteko laguntza eta pistak jasotzea.

Lehendabiziko testuak Euskal Herria aurkezten du. Banaka irakurri eta, gero, talde handian komentatu. Ondorio hauetara iritsiko dira:
- Euskal herria = euskararen herria.
- Zazpi herrialdek osatzen dute.
- Euskal Herriko paisaia ezberdinak: itsaso urdin, mendi berde, bailara hori, oihan berde…
Euskal Herria landu ostean, herrialde bakoitza landu:
- Zazpi herrialdeak ikasleen arabera banatu (gelako egoeraren, kopuruaren… arabera erabakiko dugu nola egin. Hala ere, zazpi herrialdeak lantzea beharrezkoa izango da).
- Talde edota pertsona bakoitzak jasoko du:
  - Herrialdea eta hiriburua deskribatzen dituen testu bat.
  - Hiriburuaren argazki ezberdinen bilduma.
  - Herrialdearen argazki puzzlea.
  - Herrialdea deskribatzeko puzzle zatia.
- Talde bakoitzaren lana:
  - Herrialdearen eta hiriburuaren inguruko informazioa irakurri.
  - Hiriburuko argazkiak aztertzea.
  - Herrialdeko puzzlea osatu eta aztertzea.
  - Herrialdeko puzzle zatian, jaso duten informazioa bildu beste taldekideek herrialdea ezagutzeko.
- Talde bakoitzak, egokitu zaion herrialdearen informazioa puzzle zatian bildu, ondoren, gelako horman itsatsi. Talde guztien zatiak elkartuz “Euskal Herria, murala” osatuko dute.
- Ume bakoitzak “Euskal Herria: informazio txostena” fitxan horma irudian jarritako datuak kopiatu.