Helburuak

• Hainbat adjetibo euskaraz ikastea.
• Adjetiboen esanahia ulertzea eta noiz erabili behar diren jakitea.
• Adjetiboak euskaraz erabiltzea.

Prozedura

• Lehenik eta behin, umeei azaldu adjetiboak ikasiko dituztela.
• Horretarako, argazki-albumeko argazkiak erakutsi eta banan-banan denak izendatu.
• Antonimoen bikote-jolasean, irudiekin jolas egingo dute. Kontrako esanahia duten irudiak bilatu beharko dituzte.
• Jolas honen helburua kontrakoak aurkitzea da; irudi-irudia elkarketa egitea, alegia.
• Pausuak:
  • Fitxa guztiak mahai gainean jarri ahuspez.
  • Ume guztiak fitxen inguruan jarri.
  • Ume batek fitxa bat jasoko du eta izendatu (irudian dagoena zer den esan); beste fitxa bat jaso eta izendatu
  • Kontrako irudiak badira, gorde egingo ditu, bikotea lortu du-eta. Kasu honetan, berriro bere txanda izango da eta beste bi irudi jasoko ditu.
  • Bi irudiak ezberdinak badira, berriro utziko ditu mahai gainean lehen zeuden tokian, eta, hurrengo umearen txanda izango da.
  • Bikote gehien lortzen dituen umea izango da irabazlea.