Helburuak

• Ikasitako edukiak eta egitura guztiak erabiltzea.
• Bakarkako lan bat egitea ume bakoitzak zenbat ikasi duen ikusteko.
• Ahozkoa lantzea.

Prozedura

Arbola genealogikoa egin,

• Hezitzaileak, Iratiren eta Beñaten familia oinarritzat hartuta, arbola genealogikoa nola egin azaldu.
• Umeei arbola genealogikoa egiteko fitxak banatu: a fitxan arbola bat dago, b fitxan familia-kideen izenak idazteko laukitxoak.
• Ume bakoitzak bere arbola sortu.

Ahozkoa prestatu

• Umeei “Familia aurkezpen eredua” fitxa banatu.
• Talde handian fitxan idatzita dagoena irakurri eta zalantzak argitu.
• Umeek, fitxari jarraituz, euren familiaren aurkezpena prestatu eta hezitzaileak lagundu eta zuzendu.
• Ume bakoitzak banan-banan bere familiaren aurkezpena egin ahoz.

Oharrak

• Oso garrantzitsua da ume bakoitzak bakarka lan egitea eta hezitzaileak banakako zuzenketetarako denbora hartzea.
• Umeei aukera eman hiztegi-koadernoa erabiltzeko.
• Ez dago zertan ahozko guztiak egun bakarrean egin. Ume bakoitzak egun batean egin dezake eskola hasieran edota eskola bukaeran.