Helburua:

• Umeek ikasitako hiztegia erabiltzea.
• Urtaro bakoitzeko irudiak identifikatzea.

Prozedura:

• Ume bakoitzak urtaro bateko familia osatu beharko du. Karta-familia bakoitzak bost irudi ditu:
  • Urtaroko horma-irudia.
  • Urtaroko zuhaitza.
  • Urtaroko maitagarria.
  • Urtaroko argazkia.
  • Urtaroko ezaugarria.
• Oso garrantzitsua da ume bezainbeste karta-familia inprimatzea.
• Umeek, urtaro bakoitzeko kartak zeintzuk diren jakiteko, denen artean irudiak aztertuko dituzte.
• Horretarako, hezitzaileak, urtaro bakoitzeko bost irudiak zeintzuk diren argituko du. Beharrezkoa baldin bada, horman itsatsi karta-familia bakoitza.
• Jolasa:
  • Ume bakoitzari bost karta banatu.
  • Kartak banatu dituen umea hasiko da galdetzen.
  • Zein karta dituen ikusi eta aukeratzen duen gelakideari galdetuko dio ea karta jakin bat duen. Adibidez, “baduzu neguko maitagarririk?”, edo, “baduzu udazkeneko zuhaitzik?”.
  • Gelakideak, karta hori baldin badu, eman egingo dio. Galdetu duenak galdetzen jarraituko du.
  • Gelakideak, karta ez baldin badu, berak jarraituko du galdetzen.
• Urtaroko familia osoa lortzen duen umeak irabaziko du.