Oharra:

• Urtaro bakoitzaren hasieran egingo da dagokion urtaroaren lanketa. Urtaro bakoitzetik bestera irudiak aldatuko dira, baina prozedura eta ordena bera izango
  dira.

Helburua:

• Urtaroa girotzea.
• Urtaroetako ezaugarri nagusiak ikastea.

Prozedura:

• LORENTXOREN GUTUNA:
  • Urtaro guztien hasieran Lorentxok gutuna bidaliko du eta hezitzaileak irakurri eta denen artean komentatuko dute.
• PUZZLEA:
  • Ume bakoitzari Puzzlea 1 (piezak) eta Puzzlea 2 (oinarria) fitxak banatu.
  • Urtaroko irudia jasoko dute Puzzlea 1 fitxan.
  • Puzzlea 1 fitxako zatiak moztu eta antolatu egin beharko dituzte.
  • Irudia osatzen dutenean, Puzzlea 2 fitxan itsatsi beharko dute eta, horrela, urtaro horretako irudia zein den ikusiko dute.
  • Amaitzeko, umeekin irudia aztertu eta urtaroaren ezaugarri nagusiak aipatu.
• URTAROKO OLERKIA:
  • Urtaroko ezaugarriak aipatzen ditu.
  • Olerkia irakurri umeei.
  • Galdetu beraiek ere horrelako gauzak egiten dituzten.
  • Ezaugarri gehiago idatziko lituzketen galdetu.
• MARRAZKIAK:
  • Urtaroen ezaugarriak argi ikusten dira marrazkietan.
  • Umeek, urtaro bakoitzeko, hiru marrazki edukiko dituzte aukeran.
  • Urtaroari dagokion marrazkia margotuko dute.
  • Umeek azaldu beharko dute zer ikusten duten marrazkian eta zein kolore aukeratu dituzten margotzeko eta zergatik.
• ZUHAITZA:
  • Ume bakoitzak, urtaro bakoitzean, bere zuhaitza egingo du. Gelako arbola izango dute horman eta arbola horren modukoa egitea da helburua.
  • Urtea amaitzen denean, umeek koadernotxo bana izango dute lau urtaroetako arbolekin.
  • Nork bere zuhaitza egiteko prozedura gelakoa egiteko erabili den bera izango da.