Helburua:

• Eguraldiarekin lotutako ikurrak lantzea.
• Hilabeteak eta asteko egunak birpasatzea.
• Umeek zein eguraldi egiten duen esatea.
• Umeak ardurak hartzen hastea.

Prozedura:

• Lehenik eta behin, “Gaurko eguraldia” fitxa aurkeztu eta horman itsatsi.
• Umeek irudian ikusten dutena deskriba dezatela.
• Eguraldi ikurrak zein eguraldi egoerarekin lotzen dituzten galdetu.
• Hezitzaileak ikur bakoitza definitu eta zehaztu.
• Eguraldi ikurrak erakutsi.
• Irudia eta izena lotu.
• Umeei azaldu: egunero, gelako arduradunak, eskolara iristen denean eta egiten duen eguraldiaren arabera, eguraldi ikurra itsatsi beharko du horman (aurretik denon artean zehaztutako lekuan).
• Urtean zehar egunero egingo den lantxo honetan, asteko arduradunak edo eguneko arduradunak (talde bakoitzak erabaki dezala) egunero idatzi beharko du:
  • Hilabetea.
  • Asteko eguna.
  • Hilabeteko eguna.
  • Eguraldia.
• Belkroa erabil daiteke lan honetarako. Belkroa beti egongo da horman itsatsita. Asteko egunei, 1etik 31ra arteko zenbakiei eta eguraldi egoerei belkroa jar diezaiekegu. Umeen lana aukeratzea eta itsastea izango litzateke.