Helburua:

• Gela apaintzea.
• Pirata mozorroa egitea.
• Inauterietan janzteko mozorroa edukitzea.
• Inauteriak ospatzea.

Prozedura:

• Ekintza hau “Irati eta Beñat Inauterietan” ipuina irakurri ostean egiteko da.
• Amaieran festa bat egingo da, “Mozorro festa”:

1. Gela apaintzea
   • Piraten munduarekin zerikusia duten marrazkiak banatu umeei.
   • “Irati eta Beñat Inauterietan” ipuinari erreferentzia egin eta marrazkiekin lotu.
   • Mozorro festan gela apaintzeko direla esan.
   • Margotu eta gelako hormetan itsatsi.
   • Gabonetako kadeneta erabil daiteke sabaian alderik alde itsasteko.
2. Mozorroa
   • Mozorroa hiru zatitan egin:

   Jantzia:

   • Lehendabizi , kamiseta zahar bat lortu, apurtuta ere axola ez diona.
   • Kamisetari zuloak egin zahar itxura emateko.
   • Zulodun kamiseta zaharra beste kolore bateko kamiseta baten gainetik jantzi. Helburua kontrastea lortzea da, ebakiak ondo nabaritzeko.
   • Ondoren prakak jantz ditzatela: kolore marroi, beltz edo urdinekoak baldin badira hobeto. Umeei motz gelditzea komeni da.

   Maskara:

   • Lau maskara daude. Ume bakoitzak gehien gustatzen zaiona aukera dezala.
   • Hezitzaileak umeek aukeratu dituzten maskarak kartulina batean fotokopiatu, euskarri gogorragoa eduki dezaten. Paperean eginez gero, berehala apurtuko litzateke-eta.
   • Umeek nahi duten koloreekin margotu dezatela.
   • Gomak jarri eta maskara jantzi.

   Ezpata eta labana:

   • Azkenik, ezpata edo labana egin dezatela.
   • Bi eredu daude: labana eta ezpata.
   • Eredua kartoi mehe baten gainean jarri eta ingurua markatu edo marraztu.
   • Silueta marraztua dagoenean moztu.
   • Ondoren tenperekin margotu.
   • Lehortzen utzi.
3. Mozorro festa
   • Ume bakoitzak festan jateko zerbait ekarriko du (aurretik zehaztu)
   • Umeek jantzi dezatela egin duten mozorroa.
   • Hezitzaileak nahi beste abesti eramango ditu. Dantzagarriak izan behar dira.