Helburua:

• Irakurmena eta ulermena lantzea.
• Sormena lantzea.
• Txandak errespetatzen ikastea.

Prozedura:

• Entzun, ulertu eta sortu:
  • Lehenengo, hezitzaileak, marrazkiak erabiliz, ipuina irakurriko die, baina ez osorik (6.orrialdera arte).
  • Hezitzaileak galderak egingo ditu umeek ulertu dutela ziurtatutzeko:
  • Zeintzuk dira protagonistak?
  • Zeren bila dabiltza?
  • Nolakoa izango da Irati?
  • Zeintzuk doaz itsasontzian?
  • Entzundako zatia ulertutakoan, umeak bi edo hiruko taldetan jarriko dira. Talde bakoitzak ipuinaren amaiera asmatuko du.
  • Asmatutakoan, taldekideek amaiera kontatuko diete gelakideei.
  • Talde guztiak entzun ondoren, hezitzaileak ipuinaren benetako amaiera kontatuko die, marrazkiez lagunduta.
• Irakurri eta hutsuneak bete:
  • Hutsunedun ipuin bana eman umeei.
  • Banaka edo binaka, hutsuneak bete ditzatela orri bakoitzean dituzten berbak erabiliz.
  • Ipuina osatuta eta ulertuta dutenean, azala eta irudiak margo ditzatela nahi duten koloreekin. Orain, etxera eramateko prest daukate.