Helburua:

• Umeek Euskal Herriko inauterietako pertsonaiak ezagutzea.
• Umeek euren jatorrizko herrietako inauterien berri ematea.

Prozedura:

• Euskal Herriko mapa:
  • Euskal Herriko mapa jarri horman eta lurraldeak aipatu.
  • Umeek topa dezatela mapan zein herritan bizi diren eta herri hori zein lurraldetan dagoen.

Euskal inauterietako pertsonaiak:

• Hainbat pertsonaia aurkeztuko zaizkie umeei:

1. Joaldunak
2. Markitos
3. Miel Otxin
4. Markinako hartza
5. Aretxabaletako txino-dantza
6. Kaskarotak

• Hezitzaileak, alde batetik, pertsonaien irudiak edukiko ditu umeei erakusteko eta, bestetik, pertsonaia bakoitzari buruzko informazioa (ez zaie umeei dena azaldu behar, hezitzaileei laguntzeko informazioa da).
• Hezitzaileak pertsonaia horiek guztiak aurkeztuko ditu eta, ondoren, galderaerantzunen bidez landu: nola daude jantzita?, zer daukate eskuan?, nongoak dira?
• Aurkezpena egin ondoren, irudiak horman jarri denon bistan egon daitezen.
• Umeei, banaka edo binaka jarrita, pertsonaia bana emango zaie,ereduaren arabera margo dezaten.
• Margotutakoan, mapan itsatsiko dituzte dagokien lekuan.

• Inauteriak munduan:
  • Umeek konta dezatela euren jaioterriko inauteriak nolakoak diren, zein den pertsonaia nagusia…