Koloreen bikote-jolasa

Koloreak izango ditu, alde batetik, eta kolore horien izenak, bestetik. Kolore bakoitzeko bi fitxa berdin daude eta kolore horri dagokion hitza.
Jolas honen helburua bikoteak aurkitzea izango da: bi kolore berdin izan daitezke edo kolore bat eta bere hitza.
Pausuak: “kolore-kolore”–ren kasuan:
- Fitxa guztiak mahai gainean jarri ahuspez.
- Ume guztiak fitxen inguruan jarri.
- Ume batek fitxa bat jasoko du eta izendatu (zein koloretakoa den esan); beste fitxa bat jaso eta izendatu. Bi koloreak berdinak badira, gorde egingo ditu, bikotea lortu du-eta. Kasu horretan, berriro bere txanda izango da eta beste bi irudi jasoko ditu.
Bikote gehien lortzen dituen umea izango da irabazlea.
Aurretik bingo jolasean aritu badira, umeek ezagutuko dituzte koloreen izenak eta, agerian jarri ahala, izenak esaten jakin beharko lukete.

Jolas honek bi zailtasun maila ditu. Errazena bikote-jolasa koloredun fitxak erabiliz egitea da (prozeduran azaldu den moduan).
Zailtxoagoa egin nahi bada, “kolorehitza” erabiliko da. Bikotea osatzeko irudia eta hitza elkartu beharko dituzte.