Helburua:

• Umeek zenbakiak eta koloreak erabiltzea.
• Bata besteari entzutea.
• Taldeko marrazkia osatzea.

Prozedura:

• Bi marrazki izango dituzte:
  • A Fitxa: Pailazo bat.
  • B Fitxa: Pailazo taldea.
• Ume bakoitzari pailazo bakarra daukan fitxa (A fitxa) eman bere gustuko koloreekin margo dezan.
• Umeei pailazo taldea daukan fitxa bana (B fitxa) eman. Ume bakoitzak aukera dezala zein pailazo izan nahi duen. Pailazoak aukeratzeko eztabaida balego, zotz egin:

Dona dona katona, sutondoan aitona, lepotik behera kutuna, atera kanpora, neska edo mutila tuntuna.

• Neska-mutil bakoitza zein pailazo izango den aukeratutakoan, azpian, izenak jarri. Norbaitek ez badaki izenak idazten, letra joko edo alfabetoa erabili laguntzeko.
• Umeei argazki bana atera, inprimatu, moztu eta aukeratutako pailazoaren aurpegian itsatsi.
• Ume guztiek edukiko dute pailazo taldearen fitxa gelakide guztien argazkiekin, berea barne.
• A fitxa eta B fitxa, biak, jarri mahai gainean. Ume bakoitzak esango die besteei zein kolorerekin margotu B fitxan berari dagokion pailazoa (eta berak ere margotu beharko du). Horretarako A fitxa erabili beharko du:
  • 1 zenbakia, gorriz.
  • 2 zenbakia, berdez.
  • 3 zenbakia, laranjaz.
  • …
• Honela, taldeko marrazkia osatuko dugu: pailazoak umeen aurpegiekin eta bakoitzak gustukoen dituen koloreekin.

Oharrak:

• B fitxa gelako umeen kopurura moldatzea komeni da, ume bakoitza pailazo batekin identifikatuko da-eta.