Helburua:

• Umeek hiztegi berria entzutea eta horretara ohitzea, aurrerago, eurek ekoitzi ahal izateko.

Prozedura:

• Ume bakoitzak bere kartoia edukiko du eta hezitzaileak fitxaz betetako poltsa bat.
• Hezitzaileak fitxa bat aukeratu eta atera ondoren, erakutsi barik, hor ikusten duena izendatuko du.
• Umeek ikusi beharko dute ea euren kartoietan entzundako gorputz-atala agertzen den. Hala bada, irudi hori ezabatu, estali… egin beharko dute.
• Kartoietan dituzten irudi guztiak estalitakoan, BINGO esan beharko dute. Lehenengo esaten duena, irabazle.

Oharra:

• Ekintza hau behin baino gehiagotan erabiltzea komeni da, eta beti ere, umeen mailaren arabera eta gaiaren une ezberdinetan txertatuz:
  • Hasieran, hezitzaileak fitxan duena ahoskatzearekin batera, irudia erakutsiko du.
  • Hurrengo, hitza esango du. Tartetxoa utzi, eta ume guztiek euren kartoietan begiratu dutela ziurtatu ostean, irudia erakutsi egingo du.
  • Hezitzaileak hitza esango du baina ez du irudirik erakutsiko.
  • Azkenik, umeak eurak jar daitezke poltsatik irudiak ateratzen eta dagokien hitza esaten.
• Hurrenkera hori zaintzea komeni da, errazenetik zailenera.

Hitz-zerrenda:

• BURUA
• LEPOA
• BESOA
• BESAPEA
• ESKUA
• ESKUMUTURRA
• UKONDOA
• ATZAPARRAK
• AZAZKALAK
• SORBALDA
• BIZKARRA
• BULARRA
• TITIAK
• GERRIA
• SABELA
• ZILBORRA
• IPURDIA
• ALUA
• ZAKILA / BARRABILAK
• HANKA
• IZTERRA
• BELAUNA
• BERNA
• ORPOA
• ORKATILA
• OINA
• BEHATZAK