Helburua:

• Umeek hiztegi berria entzutea eta horretara ohitzea, aurrerago, eurek ekoitzi ahal izateko.

Prozedura:

• Ume bakoitzak bere kartoia edukiko du (Iratiren eta Beñaten senideen irudiekin) eta hezitzaileak fitxaz betetako poltsa bat.
• Hezitzaileak fitxa bat aukeratu eta atera ondoren, erakutsi barik, hor ikusten duena izendatuko du (aita, ama…).
• Umeek ikusi beharko dute ea euren kartoietan entzundako senidearen irudia agertzen den. Hala bada, irudi hori ezabatu, estali…egin beharko dute.
• Kartoietan dituzten irudi guztiak estalitakoan, BINGO esan beharko dute. Lehenengo esaten duena, irabazle.

Oharra:

• Jolas hau behin baino gehiagotan erabiltzea komeni da, eta beti ere, umeen mailaren arabera eta gaiaren une ezberdinetan txertatuz:
  • Hasieran, hezitzaileak fitxan zer daukan ahoskatzearekin batera, irudia bera ere erakutsi egingo du.
  • Hurrengo, hitza esango du. Tartetxoa utzi, eta ume guztiek euren kartoietan begiratu dutela ziurtatu ostean, irudidun fitxa erakutsi egingo du.
  • Hezitzaileak hitza esango du, baina ez du irudia erakutsiko.
  • Azkenik, umeak eurak jar daitezke poltsatik irudiak ateratzen eta dagokien hitza esaten.
  • Hurrenkera hori zaintzea komeni da, errazenetik zailenera.

Hitz-zerrenda:

• AITAITA
• AMAMA
• AITA
• AMA
• OSABA
• IZEBA
• SEMEA
• ALABA
• ARREBA
• ANAIA
• LEHENGUSINA
• LEHENGUSUA
• GURASOAK
• SEME-ALABAK
• AITAITA-AMAMAK
• OSABA-IZEBAK
• ANAI-ARREBAK
• BASERRIA
• TXAKURRA
• HERRIA
• PLAZA
• KIROLDEGIA
• LUDOTEKA
• ESKOLA