Helburua:

• Animalien soinuak entzutea, eta onomatopeiak ezagutzea.

Prozedura:

• Animalien irudiak daude, alde batetik eta onomatopeiak, bestetik.
• Jolas honen helburua bikoteak aurkitzea izango da: irudi bat eta irudi horretako animaliak ateratzen duen hotsa.
• Pausuak “Irudi-hotsa”:
  • Fitxa guztiak mahai gainean jarri ahuspez.
  • Ume guztiak fitxen inguruan jarri.
  • Ume batek fitxa bat jasoko du eta ikusten duen animalia izendatu; beste fitxa bat jaso eta onomatopeia irakurri. Irudiari dagokion hotsa bada, gorde egingo ditu, bikotea lortu du-eta. Kasu horretan, berriro bere txanda izango da eta beste bi fitxa jasoko ditu.
• Irudia eta berari dagokion hotsa ez badira, berriro utziko ditu mahai gainean lehen zeuden tokian, eta hurrengo umearen txanda izango da.
• Bikote gehien lortzen dituen umea izango da irabazlea.

Oharra:

• Jolasean hasi baino lehen, hezitzaileak animalia hotsen onomatopeiak zeintzuk diren esango die. Galdera-erantzunen bidez landu daiteke:
  • Badakizue nola egiten duen txoriak?
• Ondoren, grabazioko hotsak entzungo dituzte eta, entzun ahala, zein animalia den esango dute.
• Amaitzeko, jolasean hasi.

Onomatopeia zerrenda:

Grabatuta dauden hotsak:

• ARDIA: BEE
• BEHIA: MARRU-MARRU
• KILKERRA: KRI-KRI
• LEHOIA: ORRO-ORRO
• OILARRA: KUKURRUKU
• TXAKURRA: ZAUNK-ZAUNK
• TXERRIA: KURRIN-KURRIN
• TXORIA: TXIO-TXIO
• ZALDIA: IRRINTZIA

Hezitzaileak, aurrekoak eta ondorengoak, guztiak ahoskatuko ditu:

• KATUA: MIAU
• OTSOA: ULU-ULU
• INTSEKTUA: KISK-KISK
• OILOA: KAKARA-KAKARA