Helburua:

• Umearen aurrezagutzak aktibatzea edota hiztegi berria aurkeztea.

Prozedura:

• Gaiarekin zerikusia duen horma-irudia landuko dute. Horma-irudian Beñaten eta Iratiren familia ikusiko dute, baita Argi txakurra eta beren lagun Iker eta Leire ere.
• Hezitzaileak familiakoen aurkezpena egingo du Lorentxoren gutuna baliatuz: izenak, nolakoak diren eta abar. Umeek, entzundakoaren arabera, horma-irudiko pertsona bakoitzari izena jarriko diote. Horretarako, gometxak edo pegatinak erabiliko dira. Gero, galdera-erantzunen bidez, familila-hiztegia landu: zer da Joxe? Nor da amama?…

Oharra:

• Hezitzaileak, Lorentxoren gutunarekin eta horma-irudiarekin batera, gometxetan edo pegatinetan familiakoen izenak idatzita eramango ditu gelara (Patxi, Irati, Garbiñe…). Pertsona bakoitza deskribatu ahala, umeek gometxa hartu eta dagokion lekuan jarriko dute: amama Mariaren irudiaren ondoan MARIA jartzen duen gometxa… Horrela, senide guztiekin.

Hitz-zerrenda:

• Aitaita
• Amama
• Aita
• Ama
• Osaba
• Izeba
• Semea
• Alaba
• Arreba
• Anaia
• Lehengusina
• Lehengusua
• Gurasoak
• Seme-alabak
• Aitaita-amamak
• Osaba-izebak
• Anai-arrebak