Helburua:

• Animalien izenak ikastea.
• Animalien deskripzioak lantzea.
• Onomatopeiak lantzea.
• Galdera-erantzunen bidez nor da, zein, non dago… lantzea.

Prozedura:

• Lehenengo, baserria eta animaliak margotuko dituzte.
• Baserria moztu. Beheko zatia tolestatu marra etenetatik eta atzeko aldean itsatsi ertzak. Atea zabaldu (marra etenetatik tolestu eta marra gorrietatik moztu) eta goiko leihoa ere bai.
• Moztu abereen fitxak eta baserrian sartu. Lehenengo animaliaren lehen hizkia goiko leihoan ikusiko dute umeek. (Eman dezagun “A” hizkia dela).
• Hezitzaileak galderak egingo ditu:
  • Zein animalia dago kortan? Zuria da, bee egiten du, lau hanka ditu.
• Ozenki erantzungo dute eta baserriaren atzeko aldean sartuko dute.
• Ondoren, gauza bera umeek egingo dute.
  • Zein animalia dago kortan? Lau hanka ditu, belarri luzeak eta eroriak ditu, kurrin- kurrin egiten du.
• Ozenki erantzungo dute eta kortaren atzeko aldean sartuko dute.