Helburua:

• Talde lana bultzatzea.
• Denen artean euskal baserri baten maketa egitea.

Prozedura:

• Umeek jasoko dute:
  • Baserria eta korta eraikitzeko egitura.
  • Baserria kanpotik janzteko lore, zuhaitz… elementuak.
  • Baserriko animaliak.
  • Ortuaren oinarria.
  • Barazkiak.
  • Kartulina zuri handia.
• Umeek maketaren zati guztiak nahasian jasoko dituzte. Lehenik eta behin, denen artean, zati guztiak moztu eta antolatu egin beharko dituzte: baserriaren eta kortaren zatiak alde batetik, ortua eta barazkiak bestetik…
• Jarraian, zatiak euren artean itsatsiko dituzte. Era honetara, baserria eraikita edukiko dute, baita ortua ere.
• Kartulina zurian itsatsiko dituzte gauza guztiak, baina aurretik pentsatu beharko dute zein den egitura.
• Dagoeneko eraiki dute maketa. Orain, ondoko gelakoei azalduko diete zer den baserria eta zer dagoen bertan.
• Ahal izanez gero, eta gaiari amaiera emateko, ondo legoke bertako baserri batera txango txiki bat egitea.